Овоо тахилга
Сумын нийт нутгаар хуурайшилттай , салхи шуурга ихтэй хэцүүхэн хавар болсон, хур бороо орохгүй гандуу зусаж байгаа тул нутгийн иргэд маань өөрсдийн санаачлагаар санаа сэтгэл , санхүү эдийн засгаа нэгтгэн Зогсоохайрхан, Гилбэний Дарцагт, Цэнхэрийн хар толгойн овоо, Бор үзүүр, Бэл, Дөшийн овоо, Хяргас нуур, од эрхэс тахиж, лус савдаг, байгаль дэлхийг баясган аргадлаа. Жалханз хутагт Дамдинбазарын хойд дүр Данзанчойжоованчүг хутагт морилон ирж тахилганд оролцсон. Аймгийн Дэчинравжаалин хийдийн лам, хуврагууд хүрэлцэн ирж од эрхэс, нуур, уул овоо тахисан.