Олон улсын Ахмадын өдрийг тохиолдуулан сумынхаа ахмад буурлуудаа хүлээн авч  ИТХ-ын дарга Б.Энх-Амгалан, Засаг дарга Б.Пүрэвгончиг нар баяр хүргэн мэндчилгээ дэвшүүлж, хүндэтгэл үзүүллээ. Сумын  Соёлын төвийн эрхлэгч Х.Цэнджав,  Цэцэрлэгийн  багш Н.Энхмандах,З.Оюундарь нар ая дуугаа өргөн барьж, ахмадуудын дунд дууны тэмцээн, цэнгээнт бүжиг явууллаа.Тэмцээн уралдаанд амжилттай оролцож, шалгарсан ахмадуудыг 1,2,3 -р байр эзлүүлэн шагналаа. Орон нутгийнхаа хөгжил цэцэглэлтийг бүтээлцсэн үе үеийн ахмадуудад урт удаан наслахын өлзийтэй ерөөлийг өргөн дэвшүүлье.