“Хүүхэд хамгаалагч цагдаа” нь сургууль болон түүний ойр орчмын хүүхдэд эрсдэл учруулж болзошгүй орчин, нөхцөлийг илрүүлж, гэмт хэрэг, зөрчлөөс урьдчилан сэргийлэх, хүүхдийн аюулгүй байдлыг хангах чиглэлээр ажиллана.

Тухайлбал:

• Сургууль орчмын эрсдэлтэй цэг, орц гарц, замын хөдөлгөөнд эрсдэлийн үнэлгээ хийж, арилгуулах;

• Үе тэнгийн дээрэлхэлт, хүчирхийлэл, цахим дээрэлхэлт, залилан, бэлгийн хүчирхийлэл болон бусад гэмт хэрэг, зөрчлөөс хүүхдийг хамгаалах;

• Архи, тамхи, мансууруулах бодис зэрэг эрсдэлт зан үйлээс урьдчилан сэргийлэх;

• Эрсдэлт нөхцөлд байгаа хүүхдийг илрүүлж, шаардлагатай тохиолдолд холбогдох байгууллагад мэдээлэх;

• Сурагч, багш, эцэг эх, асран хамгаалагчдад сургалт, нөлөөллийн ажил зохион байгуулах;

• “Өсвөрийн сэргийлэгч” бүлгэм, “School police”-ийн үйл ажиллагаатай уялдан ажиллах;

• Цагдаагийн болон боловсролын байгууллагын хамтын ажиллагааг бэхжүүлэх чиг үүргийг хэрэгжүүлнэ.

ХҮҮХДИЙН АЮУЛГҮЙ БАЙДАЛ БОЛ ХАМТЫН ХАРИУЦЛАГА.

Иймд сургууль, эцэг эх, багш, сурагч, төрийн болон төрийн бус байгууллага хамтран эрсдэлийг эрт илрүүлж, гэмт хэрэг, зөрчлөөс урьдчилан сэргийлж, аюулгүй сургуулийн орчныг бүрдүүлэхэд идэвхтэй оролцъё.

Дэлгэрэнгүйг: https://cccp.gov.mn/contentm/491/44

#АюулгүйСургууль #ХүүхэдХамгаалагчЦагдаа

#ХүүхдийнАюулгүйБайдал #ГэмтХэргээсУрьдчиланСэргийлье